Ballina / Të gjitha shërbimet / Infrastrukturë
Backup & rimëkëmbje
Backup-i që nuk është kthyer kurrë nuk është backup. Është një supozim me kosto mujore.
Në çdo auditim që bëjmë, backup-i ekziston. Në shumicën, nuk është testuar kurrë, ndodhet në të njëjtin rrjet me serverët, dhe përdor të njëjtat kredenciale administratori. Kjo do të thotë se një sulm i vetëm i merr të dyja.
Tri gjërat që i ndryshojmë gjithmonë
- Kopje të pandryshueshme që nuk mund të fshihen edhe nëse dikush merr të drejtat e administratorit.
- Ndarje nga domeni — repozitori nuk hyn në Active Directory.
- Test rikthimi i planifikuar, me raport që e merrni ju, jo vetëm ne.
RTO dhe RPO si shifra, jo si fjalë
RTO është sa kohë duhet për ta kthyer sistemin; RPO është sa punë humbet. Të dyja duhen vendosur nga ju, sipas asaj sa kushton një orë ndalje — jo nga furnitori. Ne ju japim koston e secilit nivel dhe ju zgjidhni; pastaj e ndërtojmë atë që zgjodhët dhe e provojmë që të mbahet.
Plani i rimëkëmbjes
Një plan i vërtetë thotë kush e merr vendimin, në çfarë radhe kthehen sistemet, ku janë kredencialet nëse rrjeti është jashtë, dhe si i njoftoni klientët. E shkruajmë bashkë me ju dhe e provojmë të paktën një herë në vit, sepse plani i paprovuar është vetëm një dokument.
Nuk jeni i sigurt nga t'ia filloni?
Auditimi e nxjerr gjendjen në dritë brenda dy javësh, me çmim fiks. Raporti mbetet i juaji pavarësisht se çfarë vendosni pas tij.