Politika e privatësisë

Kush jemi

logiX solutions SH.P.K., me seli në Rr. UÇK, 10000 Prishtinë, Kosovë. Për çdo pyetje rreth të dhënave personale, na shkruani te pershendetje@logix.solutions.

Çfarë mbledhim

Vetëm atë që na dërgoni vetë përmes formës së kontaktit ose email-it: emri, kompania, adresa e email-it dhe përmbajtja e mesazhit tuaj.

Faqja nuk përdor cookies reklamimi dhe nuk ka gjurmues të palëve të treta. Fontet janë të vendosura në serverin tonë, prandaj shfletuesi juaj nuk kontakton asnjë ofrues të jashtëm kur e hapni faqen.

Pse i përdorim

Për t'iu përgjigjur kërkesës suaj dhe, nëse bëhemi partnerë, për të përmbushur marrëveshjen mes nesh. Nuk i përdorim për profilizim dhe nuk ju shtojmë në asnjë listë postare pa pëlqimin tuaj të shprehur.

Sa kohë i mbajmë

Komunikimet e biznesit i mbajmë për aq kohë sa vazhdon marrëdhënia dhe pastaj sipas afateve ligjore të ruajtjes. Kërkesat që nuk çojnë në bashkëpunim fshihen brenda 24 muajsh.

Me kë i ndajmë

Me askënd për qëllime marketingu. Ofruesit teknikë që përdorim për email dhe hosting kanë qasje vetëm në atë që u nevojitet për të ofruar shërbimin, dhe janë të lidhur me marrëveshje përpunimi të dhënash.

Të drejtat tuaja

Sipas Ligjit për Mbrojtjen e të Dhënave Personale të Republikës së Kosovës, keni të drejtë të kërkoni qasje, korrigjim, fshirje ose kufizim të përpunimit, si dhe të tërhiqni pëlqimin në çdo kohë. Na shkruani te pershendetje@logix.solutions dhe përgjigjemi brenda 30 ditësh.

Nëse nuk jeni të kënaqur me përgjigjen tonë, keni të drejtë t'i drejtoheni Agjencisë për Informim dhe Privatësi.

Siguria

Faqja shërbehet vetëm përmes HTTPS. Qasja në kutinë tonë të email-it mbrohet me faktor të dytë. Të dhënat e klientëve në sistemet tona ruhen me kopje të pandryshueshme dhe qasje të kufizuar sipas rolit.